Dharaaro Xasuustood: W/Q. Prof. Maxamed Siciid Gees. Qaybtii 34aad

Boqolkii mid baan garanayaa Biixiyaw Harar eh

Bidhan arag markii aan socdaa qof i bariidshaaye

Jamac Xiid

Aqoonyahan/Ruug-cadaa Siyaasaddeed Gees

Ka hadh baan lahaa, hadal haan ma buuxshee, hore ugu mar baan idhi, waa lagu habsaamee, caawaana hirkaan degay, ma hargeysa weyn-baa, hoobaynta siyaasadda baan galay halkaygii.

Kontomeedyadii ayaa la odhan jiray Siyaasadda Somaliland waxa laga hagaa labada fooq ee isu sanqanaya (Kii Ina Jibriil iyo kii Ina Cumar Xaashi); hadda waxa laga wada tuulooyin isu-sanqanaya. Markaas hore ayaaba fooqyo la fuushanaa ee hadda tuulooyin iyo boodhkii ayaa lagu legdamayaa: Gar-adag, Daalo, Agabar, Xingalool, Xeego, Saaxdheer, Balligubadle, Dubur, halkaas ayaa lala aaday siyaasaddii qaranka.

Waxa laga carararyaa ilbaxnimada, aqoonta iyo internet-ka, telefoonka, skybe-ka iyo (flush toilets), waxa la tegayaa meelo banka loo kor-tago. Siyaasadda lagaga hadlayo iyo dawladaha meelahaas lagu soo samaynayaa ma tahay mid horomar higsan doonto? Mise tuulo cusub ayey samayn doontaa? Dadweynaha Somaliland 70% waxa ay ku nool yihiin magaalooyinka ee miyiga iyo tuulooyinka kuma noola waa tii laga soo hayaamay ee maxaa talada loogala cararayaa dadka magaalooyinka buuxa?

Hore ayaa loo sheegay sacabka maxaa habeenkii loo tumaa, haddii aan xeeladi ku jirin? Ma nafteenna ayaa jecel miyigaa iyo bannaanka furan ee cidlada ah, oo neceb daaraha iyo gidaarada iyo wadooyinka iyo urta kala duwan ee magaalooyinka.

Waxay nafta Soomaaliyeed u heelan tahay degaanka dhirta iyo hawd iyo caleen iyo duurjoogta ay ka mid yihiin iyo shimbiraha ee ilbaxnimadan iyo dunidan macmalka ah ma jecla! Xaalku ma sidaas baa oo tuulooyinka iyo duurka cidlada ah marka la tago ayaa waxyigu ku soo degaa? Haddii ay sidaas tahay maxay dhallinyaradu badda isugu tuurayaan oo u tahriibayaan.

Nin gabyaa ahaa oo Maraykan oo la odhan jiray (Robert Frost) ayaa gabay tiriyey uu ku magcaabay “Mending a wall “ ama Derbi la dhigayo kii Soomaalidu odhan jirtay derbi doqon dhigay haddu dumayaba hataanba ha dumo.

Gabayga ayaa ku bilaabma “Something there is that doesn’t love a wall” waxa jira wax aan gidaarka jeclayn... Waxa uu ku sheegayaa sida gidaarada ay wax waliba u dumiyaan, xayawaanka, cimilida iyo cayayaankuba. Xaalku ma sidaas baa degaanka ayaa dhab ah. Bal adba.

Markii Somaliland xoriyaddeeda qaadatay ayaa xafiisyadii Khawaajayaashu fadhiyeen, waxa beddelay rag muwaadiniin ah. Ragii ayaa la saluugay. Gaagaalihii suuqa joogay ayaa deeto sheeko sameeyay oo yidhi; ‘Waar meeshii KARAL (Currall, oo ahaa nin Ingiriis oo maamulka iyo hawlaha dalka kala socodsiin jiray.) fadhiyey ma hebello ayaa fadhiistay? Qoladiina waxay yidhaahdeen kuwa na beddeli doona ee naga dambeeya ayaad ka yaabi doontaan ha sugi waayina, waa kii Wakiillada xisbigu beddeleen.

Hadda meeshii Marxuun Qaybe, Jirde iyo Oday Cilmi fadhiyeen ee ay oggolaadeen in ilaa mooshin xil-ka-xayuubin ah, oo lagu soo oogay Madaxweyene Marxuun Cigaal, in la soo dhigo oo loo codeeyeyo, kaas oo dirqi lagu jebiyey oo cidina isku qabsan waxa beddelay kuwa maanta ciidamo boolis ah la kala dhexdhigay.

Xubnihii Golaha iyo Shirguddoonkii oo kala qaybsamay oo laga baqay inay isugu dhacaan. Cadkeedley, kuwa soo socda ayaad kaa yaabi doontaa waa halkeedii eh.

Suluxii hore ee Guurtidu ku kala hagtay labadii kooxood ee Golaha Wakiillada ee is-hayey, waxa la sheegay inaanu dhammaystirnayn, mar haddii hoos-u- dhigidii tiradii xilka lagaga qaadayey Shirguddoonka uu sideedii u daayey, oo ay la mid noqdeen Maayarada magaalooyinka ee haldheerida codka lagaga xayuubin karo xilka. Murankii oo mar kale dilaacay haddana Guurtidii, ayaa nasiib-wanaag u gurmatay Golihii ay jaarka ahaayeen oo sulux kale ku guulaysatay.

Beel Goballada Bariga degta ayaa Suldaankoodii geliyey dagaallo aan joogsanayn iyo colaado aan dhammaanayn. Oday odayaasha beesha ka mid ahaa ayaa ku yidhi Suldaankii ”Suldaan ka daa reerka dagaaladan joogtada ah, ee raggii ku riiqday.” Suldaankii waxa uu ku jawaabay, “Nasiib ayaan ku leenahay dagaalka oo la igama guulaysto.” Odaygii waxa uu ugu celiyey “Suldaan, nasiibku miyaanu innaga dhammaanayn?”

Hadda waa yaab’e nasiibka Guurtidu miyaanu innaga dhammaanayn? Saw mar uun ma dhici doonto in qolo diido, markaas maxaa la yeeli doonaa? Hawsha Golaha Wakiilladu waxay u baahan tahay in wax-ka-beddelkii lagu sameeyey xeer-hoosaadkii lagu soo caano maalay ee lagu dhaqmayey muran la’aan 17 sanno laga noqdo. Waa laga digay hawshaas mar hore, dhegse looma jalaq siin.

Yaaba Sabay furay waa saliid eh baa hore loo yidhi; “Sabay iyo Saliid waa laba tog oo ku yaalla Bariga Sanaag oo dhirta Dhamastu ka baxdo, ahna halka adduunka oo dhan ugu horreyntii geedkaasi laga helay. Waa dhulka macag la yidhaahdo ee Boqortooyadii Macag ama Balqiis ay ka talin jirtay oo af Somaliga oo far qadiim ah ku qoran laga helay).

Hadda ha lagu celiyo xeerka sidiisii hore ee ahaa 2/3 codka xilka lagaga xayuubin karo Shirguddoonka Golaha iyo inaan la furi karin Xeer-hoosaadka Golaha ilaa muddada Goluhu dhammaato oo mid cusubi yimaaddo. Nin run yaqaanaw wax noo sheeg, nin rag yaqaanaw na malay!

Hawsha Golaha sugaysa ayaa mudan in la qabto oo xoogga la saaro; Ansixintii Guddigga Doorashooyinka, Ansixintuiin Miisaaniyad Sanaddeedka Qaranka, Kabidda iyo wax-ka-beddelidda iyo Ansixinta Xeerkii Doorasha ee Golaha Wakiillada.

Waagii hore ragga waxay u soo ciyaar guddi jireen reeraha gabadhaha guur-doonka ihi joogaan, weligeedba cawayska habeenkii ee bulshaddu ama ‘night club’-ku waa jiray. Qoladan gadh-dheerta ah ee Wahaabiyadda soo xambaaratay ayaa diidan eh.

Waxa la sheegay qolo soo ciyaar gudday in cayaartii ka dhabaqday oo jaantii ay isla heliwaayeen sida Madaxda Soomaalida ku dhacda, deeto hormoodkii kooxda oo saluugay sida ay u dhacaysay ciyaartu baa ku baanay “Ma sidaas ayaa rag lagu yahay oo reer loogu soo cayaar guday?” Ma sidaas ayaa madax lagu yahay oo dad iyo dal lagu hogaaminayaa.

Is-qabsigan soo noqnoqonaya oo sidii carruur allaalaxey isku darsatay, oo hadba kala soocanaya miyaa sii wadaya dalka! Mid aanu isku jifi nahay oo Golahaas ka mid ah ayaan la hadlay markii is-qabadku soo baxay, oo ku idhi war horta mudnaanta siiya ansixinta guddiga doorashooyinka iyo miisaaniyadda, deeto gala hawsha xeerka muranku ka joogo habraaciisa.

Waxa uu iigu jawaabay, “Ma yeelayno ilaa arrinta xeerka ciddii ka dambeysay wax laga qabto oo xilka laga tuuro.“ Dawacadii reerka xadhigihii yeesha ahaa ka cuntay waxay tidhi wallee reer aan ogahay ma guuro sawtaan yeeshii ay awarta ku raran lahaayaan ka cunay . Tolaw yaa yeeshii inaka cunay?

Aragtida Siyaasiga Cabdiraxmaan Cadami ee Khusaysa Heshiisyada Siyaasaddeed ee Sharciga Baal-marsan

Go’aankii Golaha Guurtida Anuu Waxaan Ka Taaganahay ‘Doqonkii Reerkooda Ka Lumay Ee Markii La Helay Ee Lagu Farxay Yidhi Maxaad Igaga Farxaysaan Bariba Waan Lumiye’” C/raxmaan Cadami.

Guddoomiyihii hore Ee Hay’adda Shaqaalaha xukumadii Daahir Rayaale, Mr Cabdiraxmaan Ismaaciil Cadami ayaa sheegay inuu soo dhaweynayo heshiiskii iyo go’aamadii golaha Guurtidu ku xaliyeen khilaafkii golaha Wakiilada iyo dhinacyadii qaatay heshiiskaasi.

Balse Mr Cadami waxa uu go’aamadaasi Guurtida ku sifeeyey xumad-jabin lagaga gudbayo xiisad markaasi taagan oo aan waarayn, waxaanu ku baaqay in laga shaqaysiiyo hanaanka dawladnimo iyo shuruucda dalka u dajisani, isla markaana loo maro wixii khilaaf yimaada.

Siyaasiga Cabdiraxmaan Cadami

Cabdiraxmaan Cadami waxa uu sidaasi ku sheegay Mar uu maanta u waramayey Radio Hilaac, waxaanu sidoo kale ka hadlay Tahriibka dhalinyarada, Cadaalad Darrada iyo Qabyaaladda oo intii dawladan Kulmiye ay jirtay faraha ka baxay.

Ugu horayna Cabdiraxmaan Ismaaciil Cadami oo ka hadlaya go’aankii iyo heshiisyadii golaha Guurtidu ka soo saaray Khilaafkii Golaha Wakiilada ayaa waxa uu yidhi “Go’aanka iyo Heshiisyada la dhex dhigo golayaashu wax waara maaha waa wax soo noqnoqonaya sidii ay horeba u soo noqnoqon jireen, markaa hadii hanaanka dawladnimo aan loo soo noqon, hadaan sharciga loo soo noqon oo mar kasta oo khilaaf yimaado in hanaankii iyo shuruucdii dawladnimo la tuuro arinkii lala hoos tago geed iyo Guurti waligeed Somaliland halkaa dhaafi mayso.

Waxaan ku boorinayaa Somaliland guud ahaan xisbiyada, xukuumada, golayaasha iyo aqoonyahanka oo aan tabaayo inay doorkoodii ka gaabiyeen hanaan dawladnimo hadaynaan ku shaqayn, sharciga iyo distoorka aynu dhiganay hadaynaan ku shaqayn oo aynu laabno oo aynu ka doorbidno kolba xumad jabin iyo heshiis iyo go’aamo Guurtida iyo odayaal ka timid oo lagaga gudbaayo xiisad markaa taagan si kumeel gaadh ah. Waxaan aaminsanahay inkasta oo dadweynuhu ay ku farxeen go’aankii golaha Guurtida anuu waxaan ka taaganahay doqonkii markii reerkoodii uu ka lumay ee lagu farxay ee yidhi maxaad igaga farxaysaan bariba waan lumiye.

Shacabka Somaliland waxaan leeyahay go’aankan waxba ha ku farxina, waayo khilaafkiina bariba wuu idinla joogaa, sahad dambana wuu idinla joogaa, waa xumad jabin, xiisada ilinka taagan uunbaa lagaga gudbay, waxa barmanka ah ee shaqeeya ee marka lagu dhaqmo lagu farxaa waa marka hanaanka iyo sharciyada loo maro khilaafka.

Waligeedba waxaan maqlaa, Somaliland waxa ay ku soo caano maashay tanaasul iyo isku tanaasul, waa wax fiican, wadahadalku waa wax fiican, laakiin marwalba maaha marxaladaynu kaga soo gudubnay taa, shuruucbaynu samaynay, baarlamaan baynu samaynay, xisbiyaynu samaynay, marxalad hore ayay taasi ahayd, shuruuc baad samaysay oo distoor ayaad samaysay, markaa qolooyinka ku dooda markay shuruucda doonayaan inay baal maraan isku tanaasul ayaynu ku soo caano maalnay, taasi wax mudo dheer shaqayn doona maaha.

Dawladan Kulmiye dhawr arimood ayay kaga duwan tahay dawladii hore, binidaamaku markay dareemo inay wax ka khaldan yihiin ayay wax saxaan, uma haystaan inay dhaliil leeyihiin, waayo waxba ma sixi karaan hadii uu sax isku haysto, xukuumadu ha is weydiiyaan inta aanay mucaaridku inoo sheegin maxay qabyaaladu u laba kaclaysay awalba way jirtee, tahriibtu maxay u laba kaclaysay awalba way jirtee, tahriibkumarkay badato niyad jab baa jirta, cadaalad daraa jirta iyo shaqooyinkii oon loo sinayn, Kulmiye dhalinyaradii ayuu niyadjab”. Ayuu yidhi Cabdiraxmaan Cadami

Gabagabadii Cabdiraxmaan Cadami waxa uu sheegay in dawladihii hore ay qaboojin jireen xaaladaha ay abuuraan Xisbiyada iyo Shakhsiyaad Mucaarid ahi, balse xukuumadan Kulmiye waxa ay taa kaga dheeraysay iyadaa xaalada Abuurta.

Xigasho: Hubaalmedia.com

Continuity of political turmoil in Somaliland. By: Advocate Gulied Ahmed

Advocate Gulied Ahmed

Since 2003 presidential election in which the then incumbent won on small margin, about two hundred votes, political crisis are part and parcel of every day political life of this unrecognized poor country. Majority of the citizens are unaware of or uninterested the contents of the quarrel between the political elites. Election postponement and extension of terms are mostly what causes the crisis.   

Somaliland is praised for solving its conflicts peacefully trough what is called “compromise”. Somaliland politicians proudly argue that compromise is what makes Somaliland different from Somalia. But, what do they mean compromise?  Compromise is meant in here resolving dispute peacefully even if the agreement violates the constitution. There have been incidents where the parties agreed terms that are contrary to the constitution. Furthermore, compromise handicaps the constitution and the institutions founded to solve constitutional or legal stand of. Compromise undermines the rule of law. It enabled the politicians to sideline the law and agree outside of the law.

The solutions reached in compromise are short lived. You see in Somaliland the persistence and repetition of same conflicts over time. The same fact that has been resolved creates new and fresh conflict because it has never been faced properly. Students of conflict and peace studies also will agree with the fact that wrong conflict resolution mechanism does not solve the conflict but it appeases and then it resurfaces thereafter. Therefore, compromise has never solved conflict in Somaliland. 

Compromise also paralyses the institutions that are established to become forum for discussion. The Parliament which comprises of members from different and opposing political parties is institution whose procedure embraces debate. But in Somaliland, every parliamentary debate evolves into political and sometimes clan conflict. Why? The parliament has never been allowed to debate and reach decision on vote where the majority wins. Whenever sensitive issue is brought to the House of Representatives the minority side choices to escalate the issue into violence and organizes the public. Violence occurs in the House and the Parliamentarians use force instead of vote. Boxing replaces the show of hands. Compromise is then how the matter is later resolved. 

It was February this year when severe political crises emanated from normal parliamentary debate that has evolved into serious clan and political tension was solved when the parties agreed on very vague terms. The whole issue started from bill on voter registration and national identity cards distribution. Few weeks later, the same issue is on the table again. The members of the House of Representative disagreed and mobilized supporters to take on the streets. On 15^th November one person was killed and six others were injured in Buroa after police fired to protesters. Life was lost because of political failure and poor conflict resolution mechanism.    

The so called “compromise” labeled as the secret that saved Somaliland is the very threat to its existence. If Somaliland politicians do not apply the law and permit the institutions to perform their tasks, compromise will back fire